20.01.10
es duat ma wahnsinnig leid dass ich göschtr nix schriba han könna. abr i han erscht a paar sacha klarstella müssa und mi ersch mol entscheida ob ich des jetz witterführ odr ned.
Noch langem hin und her und gesprächen mit sinra familie, hon ich beschlossa dass dia gruppa wittr bestoht und dass ich euch allna dia infos zuako loss.
also gestern, am 19.01.10, sin denn scho 4 täg verganga sit da jean im krankhus liegt. Er atmet wieder selbständig (halt mit unterstützung vo da maschina) und er war am nommittag oh wedr so viel do, dass er mitkriagt hat, wenn jmd s'zimmer betretta hat.
Abr leider isch er im moment noch ziemlich schwach.
dazua jetz an klena text vom oliver bandl:
"SO JETZT NOMOL FÜR GANZ DUMME:
wenn ihr am jean-michel würklich helfan wenn.. denn könndr gern epas ufs spenderkonto tua weil damit helfan dr em im moment am meista net wenn dr abi go wenn zu em weil es bringt ihm nix er checkt des no garnet !!
und euch bringts o nix weil wenn iahr ihn idem zuastand sahan hebandrs eh net us und des söt er net saha iahr helfan ihm mehr damit wenn dr jetzt dahem blieban, betan und hoffan für en und
IHM SINI RUAH LON WEIL ER SICH UNBEDINGT ERHOLA MUASS UND JE MEHR ER ARUAH HOT DESTO SCHNELLER ERHOLT ER SICH UND GON AN DENN BSUAHA WENN ER IDR REHA-PHASE ISCH UND WENNS SOWIET ISCH DENN KRIAGANDR SCHO BESCHEID!!!!!!!
und denn könndr abigo weil denn checkt er wieder was sach isch und denn bringts ihm was dasr eu siaht und eu bringts o akle mehr als wia so mehna "uhhh i hon soviel mit em zum tua i muass ahi" do zählan sich einfach z viele dazua .."
es isch um gottes willa ned bös gmoant abr es isch jetz einfach tatsache.
Mir hon oh beschlossa dass des spenden konto vom rene off blibt.
für dia dias nomol bruchen:
Spendenkonto_JEAN-MICHELLE:
Bankleitzahl: 37468/ Konto-Nr: 444.422.1
Raiba Montafon
Hüt war ich oh bei da polizei in gaschurn und han mine zeugenaussage gmacht, und ich kann euch nur immer und immer wiedr dazua uffordra:
wenn da gsecha hon wia da shumr gstürzt isch, melden euch bei dena. es isch wirklich wichtig.
Hüt am 4re gang i nomol uffe, red mit sina eltra und mit sinra schwöstra, bzw mit da ärzte und gib euch denn bescheid wia des jetz wittr goht.
Nochmol an herzlicha dank an alle ♥ ihr sin alle durch die bank supper und wenn da jean-michel itkriagt, wia viel lüt do sin för ihn... es würd an umhaua.
Wir werden zu dir stehn und jeden deiner wege mit dir gehn ♥
_____________________________________________
18.01.10
Liebe Freunde
Also ich han mich jetz mol a bitzle im Facebook ummgschaut und han dört gsecha dass scho einige spendenkonten gsecha, und viele viele ideen für benefiz veranstaltungen .
UND ICH FIND DES WIRKLICH TOLL.
So, jetz zum hütiga Tag vom Jean-Michel.
I war hüt am 8te am morga scho dinna, und da shumr het dr ganze tag gschlofa. Ma hat en widr in a künstliches koma versezt, und oh ans beatmungsgerät ghängt.
Wenn ma ehrlich sin isch sin zustand im moment recht kritisch, abr mir kennan da jean-michel jo.
er würd kämpfa bis zum schluss.
Am vormittag war noch da physiotherapeut do und het sine glenker und alles bewegt, damit sine muskla halt ned schwach weran.
Denn hon se noch a MR gmacht und diverse tests, abr wias zum erwarta war kann ma nix genaues säga.
ABR HE LEUTE! Ihr dürfen ned schriba dass dr jean-michel querschnittsglähmt isch. i woas, die chancen stohn ned guat. Aber es gibt WUNDER!
und es gibt immer hoffnung, mir dürfan dia jetz nur ned ufgeh.
So, jetz noch zu dem video uf vol.at und zu dem bericht.
Mir, sine familie und die engsta freunde, finden des a frechheit. Duat ma Leid aber es sin grad ersch 3 täg verganga und scho moanan lüt sie könnan des so usschlachta.
D'eva grobner war hüt mit nem Sachverständiger uf da Nova beim bag-jump.
Sie hon des alles usgmessa und photos gmacht, für da Polizei bericht. und ich ka euch nur nomol as herz lega dass dr euch bei dr polizei im gaschura melden, wenndr da unfall beobachtet hon.
JEDE AUSSAGE ISCH WICHTIG!
da jean-michel hat noch gar ned richtig begriffa was passiert isch!!! Als d'eva in da nova war, war scho da ORF und VN dört!!!!!!!!!!!!! Dia wollten, und des isch jo die größt frechheit, gleich a interview mit da eva macha!!! NOCH 3 TÄG!!!!!!
Des isch einfach nur makaber. D'eva hat natürlich nix gset und denn wollten se noch dia photos vom unfall, damit se se gleich überall in da medien zoaga können. Des isch ned richtig und ohne scheiß,
sollten dia photos irgendwo uftaucha... MIR KLAGEN!
phu.. so .. jetz sin wedr a paar gerüchte klargstellt und ich hoff ihr sen jetz gleich am 9ne alle in gedanken beim jean-michel.
Mir globen alle an dich mein schatz, und mir hoffen, na mir WISSEN dass du des packsch.
Wunder passieren und du hasch des alles ned durchgstanda, damit da jetz im rollstuahl hocksch.
Jean-Michel, mir unterstützen dich oh in 2 johr noch. mir unterstützen di dis ganze Leba lang.
Und ich han am jean-michel oh gset was ihr alle für ihn duan. Und er wäs as zum schätza. er spürt dass ihr alle do sin und er woas dass dr euch alle verkopfan.
Abr weinen ned um an Jean-Michel. er dät ned wella dass alle traurig sen.
Mir lieben dich Jean, und es wörd alls wedr guat ♥
Und ich zünd jetz a kerza ah ()
__________________________________________
18.01.10
JEDEN ABEND UM PUNKT 21:00 UHR EINE KERZE FÜR JEAN-MICHEL
Mir schiken ihm Kraft und viel Energie.
Zünden efach a kerzle a, und denkan a paar minuta intensiv an en. er würd des spüra und er wäs dass mir alle in gedanken bei em sin.
__________________________________________
17.01.10
INTENSIVSTATION
So, es fallt ma jetz gad so schwer des zum schriba, abr da Jean-Michel will dass ihr alle bescheid wissen.
Ich bin hüt am morga gleich am 8te wedr ins Krankahus, und dia hon mr gset dass er jetz uf da intensiv station ligt und schloft. ich hon zu em abbe dürfa und bin i des zimmr....
und am liabsta wär ich glei wedr umdreht.
Es isch an alptraum jmd so zum sacha
da jean-Michel isch denn ufgwacht, het kurz d'oga off gmacht, het gsecha dass ich do bin und em isch scho a träna runtrkullert.
Ich hon gset:"Jean, ich hon dr gschwöra dass ich do bin wenn da ufwachsch", und er het efach nur gnickt und het mich agluagt.
er ka no ned schwätza weil er a beatmungsgerät im hals hot, des d'stimmbänderblockiert, abr mir hon üs oh ohne worte verständiga könnr.
Ich hon em vazellt dass alle sine freunde in gedanken bei em sin, und dass mar alle zu em stohn.
und dass ma des gemeinsam schaffen. dass da jean-michel so zäch isch, dass er oh des schafft.
Er hat gnickt und het mich agluagat. und mir hats fast des herz brocha.
...
Ich hon gset dass sine Familie jetz bald kummt, und dass oh noch sine besta Freunde bald kon, und do het er glächelt. er het mich agluagt und glächelt. und es hat so guat dua ihn z'lacha seha.
Ihm gohts den umständen entsprechend guat.
Er probiert zum schwätza und zum blöd antwort ge
Ma hat em jetz da 6te Nackawirbel komplett ersezt und ihm dafür an teil vo sina hüfta igsezt.
Morga am morga fangen se gleich mit da therapie ah und die besta spezialista us am ganza land kon igfloga und kümmern sich um an jean-michel.
Am besta künnan dr da Jean-Michel unterstüzta in dem er em efach zoagen dass dr för en do sen. Er brucht jetz halt im Leba und ganz viel zuwendung.
Und dia Zit würd ko, do wird da Jean-Michel widr zruck is Leba tretta und genau DENN! müssen immr noch alle hinter em stoh.
er darf sich nia aloanig fühla und ich bin überzeugt dass er die besta freunde uf dr welt het.
wenn ich jetz siach wia viel lüt sich um en kümmern, mir kon scho wedr d'träna.
wenn ich sia wia viele lüt sich sorga machen, wia viele beileid ussprechen und wia viele gern helfa würden.
I FIND DES EINFACH SO TOLL! :')
I wür am Jean-Michel morga vazella wia viele Menscha er hinter sich hat, und i bin ma sicher denn sach i wedr des strahla in sina oga
_________________________________________
17.10.10
TATHERGANG!
Leute, i woas es isch schwer, aber bitte. Dia wo gsecha hon wia da Jean-Michel gstürzt isch sollen sich bitte umgehend bei da Polizeistation in Gaschurn melda. Es wird in dem Fall ermittelt und jede Aussage isch wichtig.
__________________________________________
17.01.10
BESUCHSSPERRE FÜR AN Jean-Michel Prakow !!!!!!!!!!!
Es duat ma wirklich unendlich leid, abr da jean-michel darf ken bsuach me kriaga.
Es isch einfach viel zu stressig für ihn und er kann sich noch net verständiga, und desshalb hon die Ärzte und sine Familie beschlossa dass jetz vorerst, in da akuten-phase, nur gwisse lüt zu em dürfen. (und dia wissen des oh!)
Danoch, in da Reha-Phase gilt: je mehr besuch desdo besser! abr im moment brucht er ruhe und zit sich zum erhola.
Und es duat ma wahnsinnig leid, und oh wenn drs versuchen, ihr weran ned inne ko. Die Ärtze wissen wer inna darf und wer ned, und jo... Mir sen alle in gedanken bei em, und meh künna ma im moment ned macha. so traurig des oh isch..
___________________________________________
16.01.10
Das Schlimmste, was uns widerfährt,
das werden wir vom Tag gelehrt.
Wer in dem Gestern Heute sah,
dem geht das heut' nicht allzu nah,
und wer im Heute sieht das Morgen,
der wird sich rühren, wird sich sorgen.
Mir alle kennan da Jean-Michel als mega lebensfroha Mensch, als oanr der immer für a Späßle z'ho isch und als oanr der sich vo nix unterkriaga lot.
Und jetz isch halt dia Zit ko, wo üs so an Schicksalsschlag mitta ins Gsicht trifft. Wo mar üs alle denken „WARUM?“
Warum usgrechnet er und warum usgrechnet jetzt? Warum genau uf am bag-jump, den er scho 1000 mol gfahra isch? Warum genau i dr Nova, dem Skigebiet wo er am besta kennt? Warum gad da Jean-Michel??
Und dia ganza Froga ohne antwort.
Als da Jean-Michel uf an Bag-Jump zuagfahra isch, hat alls no passt. Er isch switch agfahra und isch mitta im kicker scho abgsprunga. Sine Stirn isch genau uf an Kicker prallt und da Kopf hats hintre gschmissa.
Schlussendlich isch er im bag glandet und hat sich num bewegt.
Im ersta moment hat sich noch niamand was denkt, abr bis ma irgendwenn druf ko isch dass eppas ned stimmt, weil er numma ussa ko isch.
I bin so schnell wia möglich zum bag grennt, und do hon en scho 2 Buaba langsam vom bag abba lo. Da jean-michel hat mi agluagt und heat gset „Madlen, i spür min körper nöm“.
In dem moment hat mi Hirn usgschalta und in solchna momente funktioniert da Mensch wia a maschine. Jmd hat rettung agruafa und dawil waren paar lüt rundum dia ihn in die stabile seitenlage brocht hon.
I bin einfach nur nebat em ghockt und han en agschaut. Er hat gset dass i bitte sine Hand heba soll, was i oh gmacht han. Noch na minuta hat er mi widr gfrogt ob i bitte sin hand heb, und mine antwort war: „jean, i heb dine hand scho di ganze zit“. Er hats einfach ned gspürt !
Da rest vo da schaulustiga hat ma denn gschickt zum d'piste absperra, damit da heli denn i wenn mol landa kann. Somit waren nur noch ich, da Jean-Michel und en Erstversorger dört.
als d'rettung itroffa isch hat er über schmerza im hals bereich klagt, abr da rest vom körper war taub.
I han am Rettungsma jean sine personalien ge, und denn hat der eh scho da helicopter gruafa.
Im helicopter dinn hat mi da jean gebeten dass i mitkum, abr da i ned mim heli mit han dürfa han i em gschwora dass i so schnell wia möglich noche kum.
Und in dem moment wo da helicopter weg war, isch alls über mir zemmbrocha und dört han i zum ersta mol realisiert was eigentlich passiert isch. denn han i sine mama und sin papa informiert, und dia sin denn oh sofort ins krankahus gfahra.
d'eva und i sin denn mim auto gleich noche gfahra und hon dört erfahra dass da jean scho operiert wird.
I han sine familie troffa und sine ganze verwandschaft.. dia alle völlig verzwifelt am tisch ghockt sin. i han mi denn dazua ghockt und mir hon alle ganze 6 stund gwartat, bis dia OP vorbei war.
Dia 6 stund waren wia an schlechta horrorfilm. Es war Hölle pur, des ewige warta und der fact, dass ma einfach nix, wirklich nix macha kann, bringt oanen um.
Noch 6 stund denn isch dia nochricht ko...
dass da Jean-Michel … queerschnittsglähmt isch. und die wahrscheinlichkeit dass er widr laufa kann, isch sehr gering. Und des isch net FAIR!
So, des isch wias war. genau so isch as passiert und ned andersch! Also bitte höran uf irgadwelche gschichtle erfinda, odr irgadwas dazua z'dichta.... da jean michel ligt im moment im tüfschlof und wird ersch morga mittag widr ufgweckt.
es bringt also nix wenn ihr morga zu ihm ins krankahus fahren, odr en mit sms bombadieren. ihr weran en erstens ned erreicha und zweitens störan da nur sine familie, mit dera er des ganze jetz mol verarbeita muss.
S'leba isch ned vorbei wenn ma queerschnittsglähmt isch, abr es wird lang lang daura bis mir, und vor allem da Jean des akzeptiera könnan.
Er brucht jetz am meista sine familie und sine besta Freunde um en umme, und bitte... bitte bitte bitte schicken koa sms wia :“ma es duat ma so leid, du arma, kopf hoch etc“
Machen am Jean Muat, Muat dass as Leba wittr goht und dass ma alle für en do sin. Egal wia hart dia nögste Zit jetz oh wera mag. Des isch alles was mir im moment macha künnen.
I woas wia schlimm des jetz für alle isch, i han sine Famielie weina gsecha, i han gsecha wia verzweifelt sine freunde sin, und i woas dass ihr hüt alle in gedanka beim jean-michel waren.
Er brucht jetz zit des alles zum verarbeita, er brucht zit zum mit sich selber klar ko und er brucht zit zum überlega.
Und wia gset, es würd a harte Zit, aber mir stohn em alle bei. Er hat a tolle Familie und tolle Freunde.
Meh wia für en do sin, künnan mir jetz alle ned...
In Gedanken semmr alle bei em, und sobald i eppas neues erfahr, wür i eu natürlich informiera.
Am jean michel wars wichtig dass sine kollega bescheid wissen, abr er will ned dass ihr um en weinen.
Mir müssen des jetz alle verarbeita und lerna, damits um'zgo. Es wird schwer und es wird lang, abr da Jean.Michel isch an kämpfer. Mir hoffen dass as ihm bald besser goht, und zünden hüt nacht alle a kerzle für en ah ♥
AW: Switch Backflip?
Deine Rechte:
Zitieren
Lesezeichen