Ski kaufen in der Schweiz

**El Kevinjo** · 14.10.2006, 19:40

grüezi mitenand

ich schrieb das jetzt uf schwiizerdütsch, will wahrschinli die einzige womer da hälfe chönd, schwiizer sind: also

ich han jetzt die saison min erschte freeski kauft (head mojo).
ich bin aber eigentlich nöd so zfride mit dem, will er isch halt no chli seeehr uf allround( er isch sehr hert und schwer für en freeski, ich schaff nöd mal en noseturn) drum han ich mier für nögscht siason en chli en bessere chaufe welle, eine wo würkli nur für de park gmacht isch;

dummerwiis han ich kei ahnig, wo's en lade het wo gschiidi ware het(und wo d'verchoifer chli druus chömmed). han zwar scho vill läde mit freeski gseh, aber meischtens zimli billigi dinger, also mini frag:

weiss irgendöpper wos en geile lade het zum ski chaufe( am beschte i de nöchi vo züri oder chur)?

**freak** · 14.10.2006, 21:27

is zwar in thun, aber www.free-mountain.ch
in zürich www.amalgan.com

freak~[

&

]

**El Kevinjo** · 14.10.2006, 22:13

danke freak!

thun ist ein bisschen weit weg, aber amalgan tönt vielversprechend! werd sobald wiemöglich mal dort vorbeischaun.

**Prytgo** · 15.10.2006, 12:55

Hey...
Amalgan hät eifach nur armada skis
Bin letschti au grad gsi... Het mir scho chli meh erwartet vo dem shop...
dä actis in St.Galle het au no chli uswahl...
Movement,Völkl,Salomon,K2, Armada...
Und au d'beratig isch sehr z'empfehlä...
ciao

**El Kevinjo** · 15.10.2006, 17:53

hets zum actis au e internetsite? oder e adrässe oder so? han lang gsuecht aber nüt gfunde....

**AndreasCH** · 15.10.2006, 17:57

Frag mal Lazyboy, der ist aus Zürich, der kennt bestimm noch was

**Prytgo** · 15.10.2006, 19:38

Zitat von El Kevinjo

hets zum actis au e internetsite? oder e adrässe oder so? han lang gsuecht aber nüt gfunde....

Ja... http://www.actdis.ch/

Sorry dä lade heisst ebä actDis und ned actis drum häsch wahrschindlich nüt gfunde:-S

duät mir leid...
Ciao

**El Kevinjo** · 15.10.2006, 19:49

ah ok, merci
dpage isch zwar nöd grad modern gstaltet, aber de lade gseht guet uus

merci

**ursus2** · 15.10.2006, 19:50

De Sportplausch Wider hät letschts jahr de bsitzer gwechslet und hät sich jetzt uf freerider und mountainbike spezialisiert. het en sehr gueti beratig isch aber priislich kei discounter. Wenn weisch was wotsch, den würd ich d'schi aber über internet bschtellä.z. b. bim bilek oder sport-conrad.

Grüäss

ursus

PS. Vergiss Amalgan. Het zwar netti, güet üssehende blondi dame döt aber üf mini frag ob sie de die schi scho gfahre sind => zitat: nei mier boarded

**El Kevinjo** · 15.10.2006, 19:53

also de sportplausch het uf freeride oder uf freestyle umgstellt? und wo isch de überhaupt

**ursus2** · 15.10.2006, 20:25

uf freeride - luegsch hie http://www.sportplauschwider.ch/

grüass
ursus

**ursus2** · 15.10.2006, 20:30

Reini parkschi hend die meischstä gschäft nur die übliche dri, vier verdächtige. den bechunsch die viel günschtiger über internet. übrigens wird am nechschtä samschtig im Jelmoli-Sport en Rossignol-Skishop eröffnet.

Grüäss
ursus

**El Kevinjo** · 15.10.2006, 20:36

hm ich suech ehner en totale freestyleski zum de ganz tag im park umejumpe
aber luut page hets ja au freeskis. und si leged anschinend wert uf gueti beratig!

also merci jedefalls!

Zitat von ursus2

Reini parkschi hend die meischstä gschäft nur die übliche dri, vier verdächtige. den bechunsch die viel günschtiger über internet.

ja denn sölli bschtelle? aso de hauptgrund wiso ich en lade suech isch, will ich gern chli beratig hett, demit schlussändlich au en ski han wonni zfride demit bin; aber wenn ier mich gschiid berate chönnd,denn chönnti au bstelle

**ursus2** · 15.10.2006, 21:04

Het vieli netti Lüt hie; setsch halt nur nit schiizerditsch schribä.

Grüäss
ursus

**El Kevinjo** · 15.10.2006, 21:08

ja ich weiss, aber für de thread hanni schwizerdütsch für abracht empfunde.

ich gang jedefalls mal in wider, de isch nöd zwiit weg. amalgan schänkimer demfall und alles andere isch au relativ wiit entfernt.

merci allne wo ghulfe hend und uf widerluege