Ski kaufen in der Schweiz
grüezi mitenand
ich schrieb das jetzt uf schwiizerdütsch, will wahrschinli die einzige womer da hälfe chönd, schwiizer sind: also
ich han jetzt die saison min erschte freeski kauft (head mojo).
ich bin aber eigentlich nöd so zfride mit dem, will er isch halt no chli seeehr uf allround( er isch sehr hert und schwer für en freeski, ich schaff nöd mal en noseturn) drum han ich mier für nögscht siason en chli en bessere chaufe welle, eine wo würkli nur für de park gmacht isch;
dummerwiis han ich kei ahnig, wo's en lade het wo gschiidi ware het(und wo d'verchoifer chli druus chömmed). han zwar scho vill läde mit freeski gseh, aber meischtens zimli billigi dinger, also mini frag:
weiss irgendöpper wos en geile lade het zum ski chaufe( am beschte i de nöchi vo züri oder chur)?
Re: Ski kaufen in der Schweiz
is zwar in thun, aber www.free-mountain.ch
in zürich www.amalgan.com
freak~[:fish:&:ghost:]
Re: Ski kaufen in der Schweiz
danke freak!
thun ist ein bisschen weit weg, aber amalgan tönt vielversprechend! werd sobald wiemöglich mal dort vorbeischaun.
Re: Ski kaufen in der Schweiz
Hey...
Amalgan hät eifach nur armada skis
Bin letschti au grad gsi... Het mir scho chli meh erwartet vo dem shop...
dä actis in St.Galle het au no chli uswahl...
Movement,Völkl,Salomon,K2, Armada...
Und au d'beratig isch sehr z'empfehlä...
ciao
Re: Ski kaufen in der Schweiz
hets zum actis au e internetsite? oder e adrässe oder so? han lang gsuecht aber nüt gfunde....
Re: Ski kaufen in der Schweiz
Frag mal Lazyboy, der ist aus Zürich, der kennt bestimm noch was ;)
Re: Ski kaufen in der Schweiz
Zitat:
Zitat von El Kevinjo
hets zum actis au e internetsite? oder e adrässe oder so? han lang gsuecht aber nüt gfunde....
Ja... http://www.actdis.ch/
Sorry dä lade heisst ebä actDis und ned actis drum häsch wahrschindlich nüt gfunde:-S
duät mir leid...
Ciao
Re: Ski kaufen in der Schweiz
ah ok, merci
dpage isch zwar nöd grad modern gstaltet, aber de lade gseht guet uus
merci
Re: Ski kaufen in der Schweiz
De Sportplausch Wider hät letschts jahr de bsitzer gwechslet und hät sich jetzt uf freerider und mountainbike spezialisiert. het en sehr gueti beratig isch aber priislich kei discounter. Wenn weisch was wotsch, den würd ich d'schi aber über internet bschtellä.z. b. bim bilek oder sport-conrad.
Grüäss
ursus
PS. Vergiss Amalgan. Het zwar netti, güet üssehende blondi dame döt aber üf mini frag ob sie de die schi scho gfahre sind => zitat: nei mier boarded :o ::)
Re: Ski kaufen in der Schweiz
also de sportplausch het uf freeride oder uf freestyle umgstellt? und wo isch de überhaupt ???
Re: Ski kaufen in der Schweiz
uf freeride - luegsch hie http://www.sportplauschwider.ch/ ;)
grüass
ursus
Re: Ski kaufen in der Schweiz
Reini parkschi hend die meischstä gschäft nur die übliche dri, vier verdächtige. den bechunsch die viel günschtiger über internet. übrigens wird am nechschtä samschtig im Jelmoli-Sport en Rossignol-Skishop eröffnet.
Grüäss
ursus
Re: Ski kaufen in der Schweiz
hm ich suech ehner en totale freestyleski zum de ganz tag im park umejumpe
aber luut page hets ja au freeskis. und si leged anschinend wert uf gueti beratig!
also merci jedefalls!
Zitat:
Zitat von ursus2
Reini parkschi hend die meischstä gschäft nur die übliche dri, vier verdächtige. den bechunsch die viel günschtiger über internet.
ja denn sölli bschtelle? aso de hauptgrund wiso ich en lade suech isch, will ich gern chli beratig hett, demit schlussändlich au en ski han wonni zfride demit bin; aber wenn ier mich gschiid berate chönnd,denn chönnti au bstelle
Re: Ski kaufen in der Schweiz
Het vieli netti Lüt hie; setsch halt nur nit schiizerditsch schribä.
Grüäss
ursus
Re: Ski kaufen in der Schweiz
ja ich weiss, aber für de thread hanni schwizerdütsch für abracht empfunde.
ich gang jedefalls mal in wider, de isch nöd zwiit weg. amalgan schänkimer demfall und alles andere isch au relativ wiit entfernt.
merci allne wo ghulfe hend und uf widerluege
Re: Ski kaufen in der Schweiz
Ich kann zwar kein Schweizerdeutsch schreiben, aber nach 5 Jahren verstehe ich es schon ;D
Re: Ski kaufen in der Schweiz
Zitat:
Zitat von ursus2
PS. Vergiss Amalgan. Het zwar netti, güet üssehende blondi dame döt aber üf mini frag ob sie de die schi scho gfahre sind => zitat: nei mier boarded :o ::)
Di Blond isch noemme dette. Di wo jetzt det isch chan skifahre, aber alli Ski wird sie wahrschinli au noed gfahre si.
Re: Ski kaufen in der Schweiz
i demfall muess ich döt au emol ineluege... ;D
Re: Ski kaufen in der Schweiz
Zitat:
Zitat von AndreasCH
Ich kann zwar kein Schweizerdeutsch schreiben, aber nach 5 Jahren verstehe ich es schon ;D
läck, ich han immer gmeint du segsch schwiizer ( andreas CH...
aber demfall...
Re: Ski kaufen in der Schweiz